El Topu Fartón en 2008

La fueya de turnos Semeyes del montaxe Semeyes d'El Topu Videos d'El Topu Conciertu 25u. Aniversariu Semeyes de la fabada Videos de la fabada Semeyes del desmontaxe Videos del desmontaxe La espicha

La fueya de turnos de 2008

Fueya de turnos

Fueya de turnos d'El Topu Fartón de 2008.

Fueya de funcionamientu 2008

Delles coses pal funcionamientu y la buena marcha del chiringu.

DALGUNES CUESTIONES A TENER EN CUENTA

MONTAXE Y DESMONTAXE

El sábadu 6 de setiembre ye’l día que vamos dir cargar el camión. La cita va ser en Llar y la hora concretámosvosla más alantre, porque agora tovía nun podemos sabela.

El montaxe entama el domingu 7 de setiembre a les 9:00h (quedamos na plaza’l Riego como tolos años).

Ye mui importante que tol mundu pase tolos días de montaxe tantu pola mañana, como pola tarde pol TOPU, (yá se sabe que carga repartía ye más llevadera….); y tamién que’l másimu de persones posible tea el vienres 12 de setiembre ellí a eso de les 9:00h, ya que siempre queden remates por facer, llega tola bebida, etc; y hai que colocalo too y con ello lleguen les prises, que a les 20:00h namás acabe’l pregón abrimos.

Igual de importante ye que tola xente que pueda vaiga apuntándose a los diferentes turnos de desmontaxe (van ser 2), que se pondrán nuna fueya na panera una vegada entamen les fiestes, pa poder facer con tiempu el cuadrante de persones y hores.

TURNOS

Como tolos años, insistimos en que tamién ye mui importante que tola xente faiga el másimu de turnos posible (la razón ye la mesma que la que comentáramos más arriba), y siempre teniendo en cuenta que’l TOPU en turnos son 10 días y 24 hores, y hai que cubrilos y garantizalos toos.

Cuanto primero entren los turnos meyor, ya que asina va cuadrándose la cosa con tiempu. El plazu pa entregalos ye’l vienres 5 de setiembre.

Mui importante la asistencia a tolos turnos comprometíos ya que nun apaecer ensin más supón tar cuntando con un númberu de persones pa cubrir que nun va dir, y amás esi trabayu va recaer sobre’l restu de compañeres/os que tean ellí de turnu esi día a esa hora.

De la mesma manera y poles mesmes razones, ye mui importante nun facer cambios de turnu ensin comunicalo en tiempu a dalguna de les persones que se encarguen de recopilalos y cuadralos, ya que lo que caún/a piense que puede valir pa meyorar un turnu, igual nun responde a la necesidá real del TOPU pa esi día a esa hora, esto depende de más factores que tienen que valorase y tenese en cuenta.

Toles persones que faigan turnos tienen la bebida y comida gratis durante los mesmos (con moderación), y nun se convida a naide por cuenta’l TOPU.

TAYOS

Como yá sabréis d’otros años, los diferentes tayos nos turnos son mui variopintos y unos vense más y otros menos, pero son toos igual de importantes, dende tar al tantu de coses que faigan falta de arriba (vasos, platos, servilletes, aceite, farina, etc), a tener tol pan cortáo pa cuando arranque la cocina pola tarde a eso de les 19:30h, pasando por recoyer la terraza (anque namás sía que por hixiene), etc, asina que a ver si ente toos y toes vamos repartiéndonos les xeres pa llevalo con calma y quien nun sepa qu’entrugue que ye la meyor manera de dir deprendiendo.

CARNÉS DE MANIPULADOR/A DE ALIMENTOS

Toles persones que tengáis carné de manipulador/a de alimentos decísnoslo, porque esti añu la SOF oblíganos a tener dós persones por turnu col carné.

Depués yá concretaremos pa que nos lu dexéis pa fotocopialu y tenelu en TOPU.

Si nun hai bastante xente con carné hai que lu sacar (ye un trámite namás, pero tamién ún requisitu pa poder vender comida), esto ye que necesitamos y poro, tien que haber bastantes persones que se apunten al cursín que dan los “espertos na materia” de sanidá.

El cursín puede facese de la siguiente manera, bien el miércoles 27 d’agostu de 16:30 a 18:30h, o bien el xueves 28 y el vienres 29 d’agostu de 18:00 a 20:00h.

Va ser nel Auditoriu. Asina que por favor vais diciéndonoslo o apuntándovos a vuelta de corréu.

Archivu de XEGA.